http://file12.9q9q.net/Download/84748773/sh_7amd_zead_alGmhrah.ra.htmlأي بالله اخطوا والخطا اللي جابهم عين الصواب
مبطى وانا اشوف الطمع يكشف رداهم واستره
ما يملى عيون الحسود بها الزمن غير التـراب
ومن لا يتوب من الخطا تحرم عليـه المعـذره
اللي من اولهـا خـراب اكيـد تاليهـا خـراب
والبندق اللي مـا تثـور فـي هدفهـا تذعـره
ودك الا من جاتك الغلطه من النـاس القـراب
الصاحب اللي ما كسبـت محبتـه مـا تخسـره
مشكلتي اني ماعرفت احسب لصدتهم احسـاب
قلطتهم صدري على ذكـري قصيـد و حنجـره
صوتن يصول بمنبره وخطاب ما بعده اخطـاب
والطيبه اللي زعزعت صوت الخطيب ومنبـره
ما فيه دمعن صوبوه احبابـي بوجهـي وخـاب
ولا زرق حزني على غالـي ولا فـج انحـره
كل الزهاب اللي معي ذكرا من اصحاب الزهـاب
واللي بقى لي من عذاب اشرس طريقي واخطره
لاني تجنبت الغرق عديت من فـوق السحـاب
لان اكثر اصحابي ورق ما شفت للطيب اثمـره
والله ما حطيت بيـن الحقـد والخـوه احجـاب
حتى غدوا ربعي يحدوني على الضيق اشكـره
البارحه ثارت علـي ارقـاب وآوتنـي ارقـاب
البارحـه يـا ثقـل دم البـارح ويـا محقـره
اهب ياوجه الحسـد وشلـون جمعهـم وغـاب
كيف السنين اللـي عطتنـي بعثرتهـم بعثـره
اثر المصايب ما تجيك الا من النـاس الاقـراب
وبهالزمن حتى الخوي اللي تثـق فيـه احـذره
لا بارك الله في رفيقن تزعلـه كلمـة اعتـاب
ولا جمـع الله الرجـال اللـي تفرقهـم مـره
عودت نفسي كل مـا شـددت لليمـه اركـاب
ما صد وجهي عن طريق الا ليا جبـت اخبـره
الصاحب اللي ما يجي من صحبته غير العـذاب
نذرن على ان ما هجرني والا انا اللي بهجـره
من يفتح لفرقاي باب افك لـه عشريـن بـاب
واذا خويـي مـا يقـدر خوتـي مـا قــدره
ان روحوا فانا بـري منهـم ليـوم الحسـاب
وان جرحوا قولو لهم ما حركـوا فـي اشعـره
شفهم لهم حول السنه ولا خذوا منـى جـواب
احسـن دواء للـي يحـاول يستفـزك تحقـره
انا جمعت اوراقهـم بكتـاب واغلقـت الكتـاب
يا وقت لم اللـي تلمـه وانثـر اللـي تنثـره
ما كنت احاتيهم اصغير عـاد احاتيهـم شبـاب
ان ما ذخرني صاحبي لليوم الاسود ما اذخـره
عقب اكتئاب البارحه ما عاد انا حمـل اكتئـاب
الطيب جرجرني وانا ما نيب ناقـص جرجـره
اللي يخاف من الظما يترك لنا طـرد السـراب
واللي مهوب قد الظـلام ووحشتـه لا يسهـره
انا تجرعت الظما ليـن احتـرق وجهـي وذاب
انا كسرت بخاطـري قبـل الصداقـه تكسـره
انا خسرت اللي غيابه غير عـن كـل الغيـاب
انـا غفـرت لعالمـن مـا تستحـق المغفـره
انا اكثر انسانن تعلم من كثر ما اخطي واصـاب
انا اخر انسـان يتكلـم فـي زمـان الثرثـره
انا القصيد اللي نزع من دفتـره مليـون نـاب
وانا الوحيد اللي جمـع مليـون نـاب بدفتـره
جفني وجرحه السهر حيلـي وهدتـه الصعـاب
دمعي هدر ضحكي ندر عمري وضيعت اكثـره
شيبت بعقول العرب هيبت رووسـن ماتهـاب
جمهرت ناس عمرهم مـا يعرفـون الجمهـره
ماصرت ذيـب الا لان اللـي حوالينـي ذيـاب
ما كنت اغيـب الا لان العفـو عنـد المقـدره
ترا حلاتك لا حملت لصاحبـك كلمـت اعتـاب
اما نطقت ابهـا بوجهـه مـا تذمـه بظهـره
في هالزمن ما يملي عيون الحسون الا التـراب
والا الحضيض الطلقه اللي ما تصيبـه تذعـره
ودك الا من جاتك الغلطه من النـاس القـراب
الصاحب اللي ما كسبـت محبتـه مـا تخسـره
حامد زيد
الأحد فبراير 01, 2009 2:18 am
