شخصيتي & جروح العشاق&

مرحبا اشحالكم اليوم وشخباركم

بصراحه وانا فالكلاس يت فبالي طريقه غريبه لطبخ الاندومي وقلت برجع وبطبخها واهي
اندومي -تونه- فطر - بهارات -شطه
المهم اخلطوهم كلهم مع بعض وبالعافيه بصراحه طعمها كان حلو

وثاني شي طرى فبالي قصيده حامد زيد رح احطها لكم

http://file12.9q9q.net/Download/44457751/----_---_...mp3.html

اما الصوره اللي كل ما افتح اللاب لازم اشوفها اهي هذي


هههههههههههههه لاتضحكون


بصراحه بالنسبالي اليوم كلن عادي وايد تعب صداااااااااع فضيع الله يخلي البندول بس باجر رح يكون احلى يوم فحياتي

اممممممم طولت صح ياللا برايكم باجر بكم لكم ههههههههه

السلام عليكم

اشحالكم وشخباركم

طبعا ادري ادري قطعت عنكم الخميس لانها كانت النزله

وسرت اتشرى حق العيد وجيه وخذت لبس حق اختي طبعا حق يوم الاتحاد براويكم الصور



اما الجمعه كانت احلى رحله للقريه العالميه لاتضحكون
بدايه الانطلاق من بيتنا والسياره تحتوي على ولد خالتي السواق واخويه المرافق و4 من بنات خالتي واربيعتي واختها وانا الرئيسه طبعا قروب بنات وولدين بروحهم المهم رحلتنا كلها كانت فالالعاب كله لعب فلعب واخر ساعه مشترى وخساير

بحط لكم شوي من الصور موتوا حره

هاي صوره كعب وحده راكبه اللعبه طار كعبها من فوق لي تحت هههههههههه متنا من الضحك وقلنا لازم نصور



اما هاي صور الجو



وهاي صوره الفرقه السنغاليه اللي يترقصون هههههههههه



وهذا منظر الالعاب وااااااااااااااي مره ثانيه مره ثانيه



المهم لما خلصت الرحله كملناها فالدرب وربشه وماشي سوالف وخبال هههههههههههههههه احلى رحله بصراحه بدون الحريم والرياييل احلى



اما اليوم الاقشر اللي اهو اليوم من صباح الله خير فسيتي عيمان ههههههههه العب اخويه وهذي بعض الصور في الالعاب مصخرني شوي و خلاني العب وياه هههههههههههههههه



وعقبها هذا هو الاقشر انطلقت الى الجامعه ارف بس وناسه الربع وبسكم عاد باجر بوافيكم بباقي الاحداث من اخبار شخصيتي لجروح العشاق هههههههههههههههههههههههه

اممممممممم مرحبا اشحالكم
اليوم يايني حماس بصراحه اول مانشيت الصبح طبعا الساعه 8 سرت الكلاس والحمدلله اني كنت مخلصه البروجكت قالت لي روحي يعني 8 ونص انا فالسكن فالجامعه قلت اليوم دام اني فر حانه ابى اغير نفسيتي جان اغير الحجره وبدلت مكان كل شي انصحكم تزورونا ههههههههه لا ماعندنا فواله ههههههه عندنا باتشي اتمصخر طبعا واربيعتي شافت الحجرة كانت سبرايس لها وعجبتها الحمدلله يعني لاتعليق


بعد اليوم ما ادري شو يايني على اغاني راشد الماجد الجديمه وايد متخبله على اغاني راشد الماجد قاعده اتصفح المنتدى واسمع اغنيه يامالك قلبي لراشد الماجد


حبيت اقول لكم في مفاجاه عقب بخبرها لكم وبعدين فقسم الدردشه بحط موضوع يخص يوم الاتحاد اتمنى يعجبكم

ونااااااااااااااااااااسه بصراحه اليوم روعه يوم مفتوح ويويله وخيول وضباط حركه و بازار وناسه بصراحه والا شورايكم بنات جامعه الامارات بخليكم الحين من وناستي وبسير اتزهب حق باجر وكل عام وانتوا بخير بمناسبه يوم الاتحاد

مرحبا اشحالكم من زمان ما كتبت في صفحتي الخاصه آآآه اشتقت لهذه الصفحه
بصراحه وانا اكتب قاعده اسمع قصيده حلوه تسلم ايد ضربه ع هالقصيده طبعا طرشتها لي بالايميل
طبعا خلصنا امتحانات الجامعه وافتكينا اووف والحين اجازة بس تعرفون ما اعرف وين اسير هالاسبوع حاطه فبالي السينما والقريه و أب تاون طبعا كله دبي لانه مكاني المفضل وطبعا مع اصدقاءالطفوله الا شو رايج ضربه عموما انا كنت طفرانه وحبيت ادردش شوي فصفحتي وقريبا جدا ابغي احط كذا موضوع في كذا قسم وبنحط لكم اغاني اجنبيه وخليجيه حلوه بس اصبروا علينا شوي وبسوي تواقيع لجميع اعضاء المنتدى هديه مني لهم وتعالو لازم تقولون اليوم حق اسير العشاق كل سنه وانته بخير والله وكبر الريال ع العموم عقبال المليون سنه وترقبوا عيد ميلاد هاجس والله واعضاء المنتدى قاموا يكبرون الله يخليكم ويطول باعماركم قولوا آمين
تعالوا نسيت اخبركم باجر ناويه ازور مدرستي فديت الثانويه وايامها وبطمش ع البنات وبسلم على معلماتي والله لهم وحشه وبصورلكم كم منظر فالمدرسه وبرواويكم اياه باجر ههههههه ياللا بس طولت عليكم تصبحون ع خير